'Mango Festival' sinimulan na sa Zambales

IBA, Zambales – Pormal na sinimulan kahapon sa kapitolyo ng bayang ito ang selebrasyon ng 3rd Zambales Mango Festival na tinawag na "Dinamulag Mango 2003".

Ang nabanggit na selebrasyon ay inorganisa ng mga lokal na opisyal ng pamahalaan at ilang ahensya ng gobyerno sa loob ng apat na araw simula sa Abril 18-12, 2003.

Napag-alaman kay Zambales Governor Vicente Magsaysay na ang Dinamulag Mango ay naitala na sa Guiness Book of World Record noong 1995 bilang pinakamatamis na mangga sa buong mundo na matatagpuan lamang sa San Salvador Island, Masinloc, Zambales.

Sinabi pa ni Magsaysay na inaasahan niyang dadagsain ng libu-libong turista at mamamayan na mula pa sa iba’t ibang bayan sa Zambales ang selebrasyon. (Ulat ni Erickson Lovino)