Mekaniko dedo sa kuryente

OLONGAPO CITY — Isang 40-anyos na mekaniko ng vulcanizing shop ang iniulat na nasawi makaraang mapahawak sa talop na linya ng kuryente habang gumagawa ng gulong sa pinapasukang talyer sa Barangay Tabacuhan, Sta. Rita sa lungsod na ito kamakalawa ng hapon.

Idineklarang patay sa James L. Gordon Memorial Hospital ang biktimang si Angeles dela Cruz, ng nabanggit na barangay.

Nabatid sa ulat na isinumite ni PO2 Frederick Paz kay P/Sr. Supt. Orlando Madella Jr., Olongapo City police director, naganap ang pangyayari dakong alas-3:30 ng hapon sa labas ng talyer. (Ulat ni Jeff Tombado)