Drug pusher itinumba

PULILAN, Bulacan – Pinagbabaril hanggang sa mapatay ang isang 40-anyos na lalaki na pinaniniwalaang kilabot na drug pusher ng mga nakamotorsiklong killer habang ang biktima ay bumababa ng traysikel sa Brgy. Parulan sa bayang ito kamakalawa ng gabi.

Dalawang tama ng bala ng kalibre. 45 baril sa ulo ang tumapos sa biktimang si Rolando Villanueva, may asawa ng nabanggit na barangay.

Ayon sa pulisya, isinagawa ang pananambang dakong alas-6 ng gabi may sampung oras pa lamang matapos tambangan si Antonio "Ato" Latina sa Brgy. Lagundi, Plaridel, Bulacan.

May teorya ang pulisya na onsehan sa droga ang motibo ng krimen dahil sa pawang mga kilalang drug pushers ang mga biktima at nakalista sa talaan ng pulisya na may kaugnayan sa droga. (Ulat ni Efren Alcantara)