Ang bangkay ng biktima na natagpuan sa creek na wasak ang mukha ay nakilalang si Violeta Camaclang, 56, samantala, ang suspek na mabilis namang nadakip ay nakilalang si Romeo Camaclang, 30, binata at kapwa naninirahan sa nabanggit na barangay.
Sa inisyal na imbestigasyon ni SPO1 Cornelio Bugayong, naitala ang krimen dakong alas-9 ng umaga sa loob ng bahay ng mag-ina sa naturang lugar.
Napag-alaman sa impormasyong nakalap ng pulisya na humihingi ng pera ang suspek sa ina upang may pambili ng droga ngunit tumanggi ang biktima at sinermunan pa ang anak na adik na itigil na ang bisyo.
Ilan sa mga kapitbahay ng mag-ina ang nakasaksi sa pangyayari na sinigawan ng suspek ang kanyang ina hanggang sa nagkaroon ng pagtatalo ang dalawa saka bumaba ng bahay ang suspek.
May palagay ang pulisya na binalikan ng suspek ang kanyang ina saka pinatay sa gulpi bago itinapon sa creek.(Ulat ni Cristina Go-Timbang)