2 pusher dinukot, sinalvage ng mga vigilante

Talavera, Nueva Ecija – Dinukot at sinalvage ng may 10 miyembro ng Red Vigilante Group (RVG) ang dalawang hinihinalang mga tulak ng droga sa isang bakanteng lote sa Brgy. Gen. Luna ng bayang ito kamakalawa ng umaga.

Ang mga biktimang dinukot mula sa kani-kanilang mga bahay bago pinagbabaril ay nakilalang sina Romualdo Ferrer, alyas Romy ng Brgy. Matias District at Willy Chavez ng Brgy. San Pascual ng bayang ito.

Sa ulat na nakarating kay P/S Insp. Peter Torres ng Talavera, Police ay naka-fatigue ang mga salarin at lulan ng red at green van na mga walang plaka nang dukutin ang mga biktima at dalhin sa hindi pa batid na lugar at pagbabarilin hanggang sa itapon sa bakanteng lote. (Ulat ni Christian Ryan Sta. Ana)