Obrero binoga habang nagbi-video karera

CANDELARIA, Quezon – Sabog ang kaliwang mata at butas ang balikat ng isang obrero matapos na ito ay barilin ng tatlong kalalakihan habang ang biktima ay naglalaro ng video karera machine sa tabi ng kanyang bahay sa Barangay Malabanan Norte sa bayang ito kamakalawa ng gabi.

Ang biktima na namatay habang isinusugod sa ospital ng Maynila ay nakilalang si Reynaldo De Chavez, 39, may-asawa at residente ng naturang lugar habang tumakas naman ang suspek na si Henry Magdaraog at ang dalawang kasama nitong hindi nakuha ang pangalan na pawang mga residente ng Barangay Pahinga Uno.

Ayon sa ulat ni Chief Inspector Nelson Lequin, chief of police sa bayang ito na naganap ang insidente ng dakong alas-6:00 ng gabi. Abalang-abala umano ang biktima sa paglalaro ng video karera ng ito ay lapitan ng mga suspek. (Ulat ni Tony Sandoval)