2 empleyado hinoldap ng 3 naka-bonnet

MANDAON, Masbate – Dalawang empleyado ng Long Live Trading ang iniulat na hinarang saka hinoldap ng tatlong hindi kilalang armadong kalalakihan na naka-bonnet habang ang mga biktima ay nakasakay ng motorsiklo at binabagtas ang kahabaan ng Brgy. San Juan sa bayang ito kamakalawa ng hapon.

Kinilala ng pulisya ang mga biktima na sina Elmer Endrina, 36, may asawa at Jocelyn Verdida, 35, dalaga at kapwa residente ng Brgy. Kinamaligan, Masbate City.

Base sa ulat ng pulisya, naganap ang krimen dakong ala-1:30 ng hapon at bago nagsitakas ang mga holdaper ay tinangay ang halagang P20,000 at ilang cheke na P30,000 partikular na ang minamaneho nilang motorsiklo. (Ulat ni Ed Casulla)