7 NPA na tumodas sa mayor kinasuhan

CAMP ADDURU,Tuguegarao City - Pitong miyembro ng new People's Army ang kinasuhan ng murder dahil sa pagpatay nila kay Mayor Jesus Sebastian ng Jones,Isabela dalawang buwan na ang nakakalipas.

Sinabi ni C/Supt. Dominador Resos Jr., Cagayan Valley police director na sinampahan ng Isabela PNP ang mga NPAs na responsable sa pagpatay kay Sebastian noong Abril 22.

Maliban sa kasong murder,kinasuhan din ng robbery in band s Jones-San Agustin Municipal Trial Court ang mga NPA na sina Victorio Tesorio,alias Ikoy/Satur; Remedios Dawag,alias Rosa/Ilay pawang residente ng Jones at Rolando Busanta,alias Leo at apat na iba pa na nakilala lamang sa mga alias na Ka Soliman,Ka Jean,Ka Arnel at Ka Eden na pawang mga miyembro ng NPA Benito Tesorio Command.

Naglaan ang Regional Peace and Order Council ng P 450,000 sa makapagbibigay ng impormasyon sa mga suspek na nakakalaya pa.(Ulat Charlie Lagasca)