Ang mga dinakip sa bisa ng warrant of arrest na ipinalabas ni Gen. Trias MTC Judge Lirio Cartigador ay nakilalang sina Leo Cubol, 24; Liza Managaytay, 27; Shiela Marie Baltazar, 26; Lolita Maesada, 28; Janneth Tatel, 24; Ramil Prince Gumiit, 27; Rosielle Mojica, 23; Rolando Peji, 28; Arlene Bayas, 23; Teresa Baldonado, 28; Ryan Bautista, 21; Kenneth Asejan, 29; Jay Salcedo, 24; Bobby Girona, 25; Victor Cecicar, 23; Erwin Sison, 23; Noel Saliva, 24; Michael Cueno, 24 at Raymond Estrella, 23 na pawang manggagawa ng Sanno Phils. Corporation.
Ayon sa ulat ng pulisya, ang pagpupuslit ay isinasagawa sa pamamagitan ng illegal top wiring na madaling kapitan ng gintong piyesa ng cellphone.
Kapag natapos na ang kanilang trabaho ay inilalagay nila ang piyesa sa maliit na papel kaya hindi namamalayan ng guwardiya na naipupuslit ang naturang piyesa.
Napag-alaman pa sa reklamo ni Rommel Baldevarona, tumatayong representative ng naturang kompanya na simula pa noong Oktubre 2001 ay nagpupuslit na umano ang mga suspek ng piyesa.
Hanggang sa may nagbigay ng impormasyon sa isinasagawang modus operandi ng mga suspek na pinalalagay na ipinagbibili sa mga pagawaan ng cellphone sa Chinatown sa Maynila. (Ulat ni Cristina Go-Timbang)