4 'killer' ng drayber timbog

LABO, Camarines Norte — Apat sa limang killer ng drayber ang iniulat na inaresto ng pulisya sa bayan ng Jose Panganiban, Camarines Norte kamakalawa.

Kinilala ang mga suspek na sina Lorenzo De Jesus, 19; Ronald Raga, 32; Cielo Lamadrid, 21 at Eduardo Alvarez, 32; samantala, tinutugis naman si Louie Icatlo na kaagad na nakatakas makaraang isagawa ang dragnet operation sa pinagkukutaan ng mga suspek sa nabanggit na bayan.

Ang lima ay responsable sa panghoholdap at pagpatay kay Val Iglesia, 27 sa crossing ng Brgy. Tamisan at Daguit, may tatlong araw na ang nakalilipas. (Ulat ni Francis Elevado)