‘Estapador’ na Vietnamese national dinakip

CABANATUAN CITY – Dahil sa hindi pagbabayad ng chit na nagkakahalaga ng P4,770 sa ininom na alak at pulutan sa videoke bar ay inaresto ng pulisya ang isang Vietnamese national makaraang ireklamo ng floor manager kahapon ng madaling-araw sa Floweriane Street, Brgy. Aduas Centro sa lungsod na ito.

Kinilala ni P/Supt. Laverne Manangbao, hepe ng pulisya, ang suspek na si Bill Mekimly, 34, may asawa ng Sunrise Subdivision, Brgy. Bantug Norte na ngayon ay nakakulong sa kasong estafa na isinampa ni Susan Francisco, floor manager ng Battle Ground videoke bar sa naturang lugar. (Christian Ryan Sta. Ana)