Aircon bus vs container van; 3 patay, 10 grabe

CARRANGLAN, Nueva Ecija – Tatlo ang kumpirmadong nasawi habang sampu ang nasa kritikal matapos na magbanggaan ang isang pampasaherong aircon bus at container truck van sa Maharlika Highway na sakop ng Sitio Lomboy Bukid, Barangay Puncan ng bayang ito kamakalawa ng hapon.

Sa ulat ng Carranglan Police, isa sa tatlong nasawi ay nakilalang si Arman Nisperos, 40, ng Cavite City habang ang dalawa naman na pawang babae ay wala pang pagkakakilanlan.

Ginagamot sa San Jose General Hospital ang iba pang biktima na sina Donna Jean Hoyahoy, 11; Jessica Canon at anak nitong si Gabriel; Florentina Canon, 56, Malolos Bulacan; Arnaldo Hoyahoy, 33, ng Jones , Isabel; Vic Flores ng Lomboy Bukid, Puncan, Carranglan; Lita Gomez, 25 ng Lamot, Ifugao; Glenn Garcilla, 25, ng Bayombong Nueva Vizcaya at Armando Indo, 36, ng Guillermo, Isabela at Nemesio Dela Torre, 40,pahinante ng truck at nakatira sa San Carlos City, Pangasinan. (Christian Rayan Sta. Ana)