Army corporal todas sa Sayyaf

CAMP AGUINALDO – Pinagbabaril hanggang sa mapatay ang isang sundalo na nakatalaga sa 1st Infantry Division (ID) ng Phil. Army ng nag-iisang bandidong Abu Sayyaf habang ang biktima ay naghihintay ng masasakyang dyip sa intersection ng San Jose Gusu at San Roque Road sa Zamboanga City kamakalawa ng gabi.

Dead on the spot ang biktimang si Cpl. Francisco Palang na nakabase sa Pagadian City, samantala, ang suspek na hindi kaagad nakilalala ay palakad na tumakas sa hindi nabatid na direksyon.

Sa ulat na nakarating kahapon sa Camp Aguinaldo, naganap ang pananambang bandang alas-10:45 ng gabi nang biglang sumulpot sa kinatatayuan ng biktima ang suspek saka isinagawa ang krimen. (Ulat ni Joy Cantos)