Iniwan ng nobya, nag-suicide

CARMONA, Cavite – Dahil sa iniwan ng nobya at nag-asawa ng iba ay nagpasya na lamang mag-suicide ng isang obrero sa pamamagitan ng pag-inom ng lason kamakalawa ng gabi sa Barangay Kabilang Baybay sa bayang ito.

Ang bangkay ni Gener Paraiso, 21, ay natagpuan ng kanyang kasambahay dakong alas-9 ng gabi sa inuupahang apartment at nag-iwan pa ng suicide note.

May teorya si PO1 Richard Mojica na hindi marahil matanggap ng biktima ang naganap na pangyayari kaya winakasan na nito ang buhay. (Ulat ni Cristina Go-Timbang)