Sekyu dedo sa sariling baril

SILANG, Cavite – Isang 32-anyos na security guard ang napaulat na nasawi makaraang pumutok at tamaan sa ulo ang una ng sariling baril na inilagay sa ibabaw ng aparador sa sariling bahay sa Brgy. Kaong ng bayang ito kamakalawa ng gabi.

Kinilala ng pulisya ang biktima na si Silvino Saballes, 32, may asawa ng nabanggit na barangay.

Sa natanggap na ulat ni P/Chief Insp. Gregorio Evangelista, hepe ng pulisya ng bayang ito, dumating ang biktima sa kanilang bahay na lango sa alak bandang alas-7 ng gabi at habang nagbibihis ay inilagay nito ang baril sa ibabaw ng aparador ngunit sa hindi inaasahang pagkakataon ay biglang pumutok at nasapol sa ulo ang pobreng sekyu. (Ulat ni Cristina Go-Timbang)