2 bagets tinarakan sa sayawan, todas

DARAGA,Albay - Dalawang kabataang lalaki ang namatay sa pagamutan matapos na sila ay saksakin sa isang sayawan sa Brgy. Inarado,kamakalawa ng gabi.

Ang mga biktima na namatay habang ginagamot sa Bicol Regional Training and Teaching Hospital ay sina Marty Nuarin,18 at Jesse Leron,20,kapwa binata ng Brgy.Binitayan.

Samantala ang suspek na mabilis na tumakas ay nakilalang si Domingo Nebrera Jr.,19,binata ng Brgy. Cotmon,Camalig,Albay.

Sa ulat ng pulisya,dakong alas-11:30 ng gabi ay kapwa nagsasayawan ang mga biktima at suspek sa isang sayawan ng masagi ng una ang huli.

Ikinagalit ito ng suspek at sa muling pagsasayaw ay lumapit ito at inundayan ng mga saksak ang walang kamalay-malay na biktima. (Ulat ni Ed Casulla)