Misis patay, mister grabe sa holdap

IMUS, Cavite – Binaril at napatay ang isang negosyanteng misis, samantala, ang mister nito ay malubhang nasugatan makaraang manlaban sa mga holdaper ang mag-asawa habang papasok ng kanilang bahay sa Nuevo Avenue, Poblacion ng bayang ito.

Kinilala ni P01 Edgardo Nario ang napatay na biktima na si Edith Calilar, 56, samantala, ang malubhang nasugatang mister ay si Danilo Calilar, 56, na kapwa residente ng Vina Village, Mateo St. ng naturang lugar.

Sa inisyal na imbestigasyon ng pulisya, bandang alas-7 ng gabi nang bumaba ang mag-asawa mula sa owner-type jeep (DLF-952) upang buksan ang pintuang bakal na gate nang sumulpot ang mga hindi kilalang holdaper.

Bago pa makuha ang halagang kinita ng mag-asawa sa pagtitinda sa palengke ay nanlaban sa mga holpader ngunit pinagbabaril ang mag-asawa. (Ulat ni Cristina Go-Timbang)