Mag-bayaw itinumba

INDANG, Cavite – Dalawang hindi kilalang lalaki na pinaniniwalaang mag-bayaw ang biktima ng summary execution makaraang matagpuan ang mga bangkay na nakatali ang mga kamay, paa at tadtad ng tama ng bala ng baril sa Brgy. Lulungisan Bridge, Brgy. Kaytambo ng bayang ito kahapon ng madaling-araw.

Sa ulat ni PO1 Gregorio Cuevas, natagpuan ang mga bangkay bandang alas-5 ng madaling-araw na may mga palantandaan sa katawan na pinahirapan muna saka pinatay.

Ayon sa pulisya, ang isang biktima ay may taas na 5’3 at nasa edad na 26-30-anyos, samantala, ang ikalawa naman ay may edad na 27-32 at may taas na 5’2 at pinalalagay na mula pa sa ibang barangay saka itinapon sa naturang lugar upang iligaw ang mga imbestigador. (Ulat ni Cristina Go-Timbang)