Luhaang dumulog sa Calbiga Samar police station ang biktimang itinago sa pangalang Jean at residente ng nabanggit na barangay may 50 kilometro ang layo mula sa naturang lungsod.
Kinilala ng biktima ang dalawang suspek na pulis na sina Police Officer Alex Samar at PO1 Boyet Orsal na kapwa nakatalaga sa Police Regional Mobile Group-8.
Sa ibinigay na testimonya ng biktima, na isang Judy Samar, alyas "Aka" ang kasama ng dalawang suspek na pulis ang sunud-sunod na humalay sa kanya bandang alas-12 ng hatinggabi sa nabanggit na barangay.
Ipinag-utos naman kahapon ni P/Chief Supt. Nardito Yoro, PNP regional director sa Regional Investigation and Intelligence Division ng PRO-8 na magsagawa ng masusing imbestigasyon laban sa dalawang pulis na sangkot sa panggagahasa.
Pinabulaanan naman ng dalawa ang akusasyon ng biktima. (Ulat ni Miriam G. Desacada)