Sa isinumiteng ulat ng Tarlac Provincial Police Office (TPPO) sa tanggapan ni Police Regional Office 3 (PRO3) Director Chief Supt. Reynaldo Berroya, ang mag-aamang biktima ay kinilalang sina Dominador Santos, 49, Melchor, 28, alyas "Ka Rosa" na dati ring rebel returnee at Falcon Santos, 21, pawang mga residente ng Fernando Farm, ng nabanggit na lugar.
Sa pagsisiyasat ng pulisya, naganap ang pamamaslang sa mga biktima pasado alas-7 ng gabi nang pasukin ng apat na kalalakihan na pawang nakasuot ng bonnet at camouflage ang bahay ng mga biktima sa Fernando farm na pag-aari ng isang Atty. Jerry Fernando.
Nabatid na hinahanap umano ng mga killer si Melchor na noon ay nasa loob ng kanilang kuwarto kasama ang maybahay nitong si Criselyn Facun, 18, alyas "Ka Leny" na dati ring rebel returnee at ang kanilang dalawang-buwan taong gulang na anak. Nang lumabas sa kuwarto ang kanilang pakay ay bigla na lamang pinagbabaril sa ulo at katawan si Melchor. (Ulat ni Jeff Tombado)