6 mandurugas ng 2,033 sako ng bigas, timbog

KAMPO HEN. ALEJO SANTOS, Bulacan – Anim na kalalakihan na pangunahing suspek sa pagnanakaw ng may 2,033 sako ng bigas na nagkakahalaga ng P1.99 milyon ang dinakip ng mga tauhan ni Bulacan Provincial Director P/Supt. Edgar Acuña sa magkakahiwalay na lugar kamakalawa.

Kinilala ng pulisya ang mga suspek na sina Warlito Sarmiento, 30; Renato Salvador, 38; Benny Rabac, 33; Joselito Divinagracia, 29; Baldomero Cabiao, 27 at Melchor Bananlayos, 35, na pawang mga residente ng Balagtas at Bocaue, Bulacan.

Bunsod nang reklamo ng negosyanteng si Charles Javeloza sa pulisya sa pagkawala ng kanyang saku-sakong bigas ay kaagad na nagsagawa ng operasyon ang mga tauhan ni Acuña.

Ipinatawag din ang may-ari ng bodega na si Winston Capati ng Balagtas, Bulacan kung saan nakuha ang mga dinugas na bigas. (Ulat ni Efren Alcantara)