Teacher todas sa salpok ng trak

DASMARIÑAS, Cavite – Isang high school teacher ang iniulat na nasawi makaraang masalpok ng rumaragasang trak habang ang biktima ay tumatawid sa kahabaan ng Gen. Aguinaldo Highway sa Brgy. Salitran 1 ng bayang ito kamakalawa ng gabi.

Idineklarang patay sa University Medical Center ang biktimang si Polaris Balderas, 31, may asawa ng Blk 9, Lot 7 Ivory Crest Village, Brgy. Salitran 2 ng naturang lugar.

Ayon sa pulisya, nasalpok ang biktima ng isang Isuzu trak (WDP-803) dakong alas-6 ng gabi saka inabandona ng driver ang sasakyan sa nabanggit na barangay. (Ulat ni Cristina Go-Timbang)