1,160 Narra flitches na ipupuslit nasabat

CARRANGLAN, Nueva Ecija - Tinatayang aabot sa 1,160 board feet na Narra flitches na tangkang ipuslit ang nasabat ng mga operatiba ng Multi-Sectoral Forest Protection Committee (MSFPC) noong nakaraang Miyerkules (Oktubre 3) sa DENR patrol base, Carranglan proper.

Sa ulat na isinumite kay PENRO Rafael Otic, ang mga nasabat na Narra ay nakalulan sa isang truck (TSA-473) at pag-aari umano ni Elcris at isang alyas Bebot Tan ng Brgy. Maria, Aurora, Aurora.

Nang sitahin ng mga awtoridad bandang alas-3:25 ng hapon ang nabanggit na truck na may lulang troso mula sa Pelaway, Nueva Ecija ay walang maipakitang dokumento ang mga pahinante. (Ulat ni Christian Ryan Sta. Ana)