Electrician binaril ng kapitbahay

TANZA, Cavite – Binaril at napatay ang isang 52-anyos na electrician ng kanyang kapitbahay habang ang biktima ay bumibili lamang ng sigarilyo sa Barangay Bagtas ng bayang ito kahapon ng umaga.

Kinilala ng pulisya ang biktima na si Rudy Lajada, may asawa ng blk 35, lot 41 phase 3, Carissa Subd., ng nabanggit na lugar.

Samantala, ang suspek na ngayon ay pinaghahanap ng pulisya ay kinilalang si Jake Dino, 39, may asawa, jobless, ng blk 48 lot 2, phase 31 ng nabanggit na lugar.

Sa inisyal na imbestigasyon ng pulisya, lumalabas na bumibili lamang ng sigarilyo ang biktima sa tindahang malapit sa kanilang bahay nang barilin ng suspek dakong alas-7:30 ng umaga.

Kasalukuyan pang inaalam ng pulisya ang motibo ng pamamaslang. (Ulat ni Cristina Go-Timbang)