Trader dedo sa ambus

GAPAN CITY — Pinagbabaril hanggang sa mapatay ang isang 39- anyos na negosyanteng lalaki ng mga hindi kilalang armadong kalalakihan habang ang biktima ay naglalakad sa kahabaan ng Brgy. San Vicente ng bayang ito noong Sityembre 4 (Martes) ng hatinggabi.

Ang biktima na nagtamo ng walong tama ng bala ng baril sa katawan ay kinilalang si Rogelio Gonzales, isang buy-and-sell trader, may asawa at residente ng Delos Santos St. ng nabanggit na barangay.

Sa imbestigasyon ng pulisya, ang pananambang sa biktima ay naganap dakong alas-11:30 ng gabi habang ito ay naglalakd papauwi sa kahabaan ng naturang lugar.

Inaalam pa ng pulisya kung may kaugnayan sa negosyo ng biktima ang naganap na krimen at ang anggulong paglikida ng mga rebeldeng New People’s Army (NPA) dahil sa pagtangging magbigay ng revolutionary tax sa kilusan. (Ulat ni Christian Ryan Sta. Ana)