Kilos-protesta sa Subic itataon sa junior baseball

Nakahanda na ang mga tauhan ng Freeport Service Corporation sa Subic Bay Freeport sa isasagawang kilos-protesta ng isang grupo ng mga manggagawa na pinaniniwalaang kaalyado ni Tourism Secretary Richard Gordon sa darating na September 1, 2001.

Napag-alaman kay FSC President Rhuel John Kabigting na ang isasagawang kilos-protesta ay itataon sa gaganaping 1st Pan-Pacific International Junior Baseball Tournament kasabay ng inagurasyon ng isang kompanya ng Hapones na dadaluhan ng may 300 Japanese businessman.

Sinabi pa ni Kabigting na pakay ng grupo na pasamain ang imahe ng bansa partikular na ang Subic Bay Freeport. (Ulat ni Jeff Tombado)