Bitay kinatigan ng Supreme Court laban sa 2 katao

Kinatigan kajhapon ng Korte Suprema ang parusang kamatayan laban sa dalawang akusado na napatunayang nagnakaw at pumatay sa isang negosyante noong Marso 1994 sa Cataingan, Masbate.

Sa 17-pahinang desisyon ng Korte Suprema, hinatulang mabitay ang mga akusadong sina Clarito Arizobal at Erly Lignes dahil sa kasong pagnanakaw at pagkakapaslang kay Laurencio Gimenez.

Batay sa rekord ng korte, naganap ang krimen noong gabi ng Marso 24, 1994 sa loob ng bahay ng biktima sa nabanggit na lalawigan.

Bukod sa parusang bitay sa dalwang akusado ay pinagbabayad din sila ng halagang P128,000 sa mga kaanak ng biktima. (Ulat ni Grace Amargo)