3 opisyal, 17 pulis sinibak

Dahil sa kapabayaan sa kanilang mga tungkulin at pagkakasangkot sa illegal gambling gaya ng jueteng at ilang mga kasong administratibo ay sinibak sa kanilang mga tungkulin ang 3 matataas na opisyales at 1 pang mga miyembro ng PNP Regional Command 12.

Bagaman tumangging magbigay ng pangalan ang pamunuan ng PNP Recom-12 ay tahasan namang sinabi ni Raval na kaya rin umano naging matagumpay ang mga sunud-sunod na pag-atake ng mga miyembro ng Moro Islamic Liberation Front (MILF) sa kaniyang ‘area of responsibility’ (AOR) ay dahil na rin sa kapabayaan ng ilang mga opisyales at miyembro ng pulisya dito.

Ayon kay P/Supt. Manuel Raval mula sa Central Mindanao ay nakatakdang sipain patungong mga rehiyon ng Cordillera at Samar ang ilang mga pulis mula sa kaniyang sinasakupan.

Napag-alaman na kasama rito ang PNP Regional Mobile Group-12 na nakatalaga sa Barangay Tambler ng General Santos City na kung saan noong mga nakaraang araw ay matagumpay na inatake ng 40 na miyembro ng MILF ang kanilang detachment. (Ulat ni Rose Tamayo)