Marcos sa LGUs: Maglunsad ng solid waste programs
MANILA, Philippines — Pinuri ni Pangulong Ferdinand R. Marcos Jr. ang solid waste management system na ipinatutupad ng Marikina City matapos na inspeksyunin ang Marikina River Linear Park at bisitahin ang Marikina Centralized Material Recovery Facility na mahigpit na pagsunod sa Ecological Solid Waste Management Act of 2000.
Ayon kay Pangulong Marcos, mahalagang halimbawa ang Marikina na dapat gayahin ng mga lokal na pamahalaan dahil batid naman na nitong mga nakaraang araw ang malaking epekto sa pagbaha ng hindi tamang pagtatapon ng basura.Hindi kasi umano sapat na pumunta lang sa ilog at magkaroon ng desilting.
Base sa sistemang iniaaplay ng Marikina, ang basurang nakokolekta ay nire-recycle sa ibang bagay para muling mapakinabangan
Ayon sa Pangulo, dapat na tularan at bumuo rin ng kahalintulad na sistema ang ibang mga bayan at lokal na pamahalaan gaya ng ginagawa ng Marikina.
Inatasan din ng Pangulo si Department of Environment Natural Resources (DENR) Secretary Juan Miguel Cuna na paigtingin ang monitoring ng LGUs sa mga batas tungkol sa solid waste management.
- Latest
