Bangka tumaob: 6 utas, 3 nawawala
MANILA, Philippines — Anim na katutubo ang nasawi, habang tatlo nawawala matapos tumaob ang sinasakyang nilang bangkang de motor sa Lake Mapanuepe, Barangay Buhawen, San Marcelino, Zambales noong Huwebes ng hapon.
Ayon sa ulat alas-4:40 ng hapon ay lulan ang 13 katao, kabilang ang driver ng bangkang de motor at patungo sila sa Sitio Lomibao nang mangyari ang insidente.
Ang anim na nasawi ay sinasabing miyembro ng katutubong Aeta, apat ang nakaligtas at tatlo ang nawawala kabilang ang isang 5-anyos na bata, 12-anyos na bata, at isang buntis na babae.
Batay sa paunang impormasyon, pauwi na ang mga biktima sa Sitio Lomibao matapos manggaling sa Buhawen Proper, kung saan dumalo sila sa kanilang bakunahan sa Barangay Center at 4Ps meeting nang mangyari ang sakuna.
Ayon naman kay Liza Balario, Indigenous Peoples Mandatory Representative ng Barangay Buhawen na kinakailangan umano tumawid ng mga katutubo sa lawa upang makarating sa barangay proper kung saan naroon ang health center.
Batay sa hiwalay na initial situation report na nagsasabing posibleng overloading ang dahilan nang pagtaob ng bangka.Nagpapatuloy ang operasyon upang mahanap ang tatlong nawawala.
- Latest















