Jonvic: Sumuko ka na Sen. Bato!
MANILA, Philippines — Umapela si Interior and Local Government Secretary Jonvic Remulla kay Senator Ronald “Bato” dela Rosa na sumuko na lang.
Ito ang sinabi ni Remulla sa isang panayam kasabay ng pagbubukas ng ika-4 na PNP Press Corps Invitational Shoot fest sa Camp Karingal kahapon.
Ayon kay Remulla, mas makabubuting sumuko na lamang si Dela Rosa at harapin ang kasong crime against humanity na isinampa laban sa kanya.
Aniya, apektado ang pagseserbisyo sa publiko dahil nahahati papuwersa ng PNP sa paghahanap sa kanya at sa iba pang mga may kaso.
Hindi na aniya dapat pang patagalin pa ng Senador dahil ang mga serbisyo naman sa taumbayan ang nasasakripisyo.
Aminado si Remulla na hindi madali ang paghahanap kay Dela Rosa na itinuturing na “armed and dangerous”.
Tiniyak din ni Remulla na walang dapat na ipangamba si Dela Rosa dahil igagalang nila ang karapatan nito sa pagpapatupad ng International Criminal Court (ICC) warrant laban sa kaniya.
- Latest
