Truck vs wing van: 5 sugatan

MANILA, Philippines — Nasugatan ang limang katao makaraang aksidenteng magbanggan ang isang trailer truck sa kasalubong nitong wing van sa highway ng Brgy. San Luis, Diadi, Nueva Vizcaya, nitong Sabado.

Kabilang sa mga nasugatan ay dalawa kataong lulan ng van at tatlo naman mula sa truck.

Ayon sa imbestigasyon kasalukuyang bumabagtas sa lugar ang nasabing van nang makabanggaan nito ang kasalubong na truck.

Sa lakas nang banggaan ay umapoy ang nasabing wing van habang mabilis namang sumaklolo ang rescue team at dinala sa pagamutan ang mga ­nasugatang biktima.

Agad din naapula ang apoy sa nasusunog na wing van dahil may karga itong flammable paper ang pinsala ay umabot sa P1 milyon.