Guro arestado sa drug buy-bust
MANILA, Philippines — Isang guro sa public high school ang naaresto nang mahulihan ito ng droga sa isinagawang buy-bust operation sa Brgy. Padoga, Calubian, Leyte nitong Lunes.
Kinilala ang nasakoteng suspect sa palayaw lamang nitong Arcy, 39-anyos, guro sa Felix Caneja National High School.
Sa ulat ng Police Regional Office (PRO) 8, nasakote ang suspect sa buy-bust operation matapos makatanggap ng impormasyon ang mga operatiba hinggil sa illegal nitong pagtutulak ng droga.
Bago ang operasyon ay isinailalim ng mga otoridad sa masusing surveillance operation at nang magpositibo ay nakipag-deal ang poseur buyer sa suspect na bibili ng droga at habang isinasagawa ang transakyon ay agad itong pinosasan at dinakip.
Nakumpiska sa suspect ang isang kulay itim na coin purse na naglalaman ng tatlong plastic sachet ng shabu, kulay pulang envelope na mayroong dalawang katamtamamang laki ng plastic sachet na naglalaman naman ng marijuana.
- Latest
