Missing vlogger natagpuang patay

MANILA, Philippines — Isang nawawalang vlogger ang natagpuang patay na inilibing sa isang mababaw na hukay sa isang liblib na bahagi sa Brgy. Lalo, Tayabas City, Quezon.

Sa report ng Police Regional Office (PRO) IV A, kinilala ang biktima na si Mark Anthony Atienza, 39-anyos, kilala sa kaniyang blog bilang Macoy ay nagpaalam sa kanyang asawa na mamimingwit lamang sa ilog noong Pebrero 20, 2026, subalit hindi na ito nakauwi.

Natagpuan ang bangkay ng biktima noong Sabado, Pebrero 21, alas-2:00 ng hapon sa isang hukay na malapit sa ilog sa Sitio Don Elpidio, Brgy. Lalo.

Dito nila natagpuan ang katawan ni Macoy, na may nakatali ang mga kamay, nakabalot ang ulo ng itim na t-shirt, at may busal ang bibig.

Nakitaan rin ng mga palatandaan na pinahirapan muna ang biktima bago pinaslang base sa mga pasa at sugat na tinamo nito sa katawan.