Mt. Bulusan ibinaba na sa ‘alert zero’
MANILA, Philippines — Ibinaba na ng Philippine Institute of Volcanology and Seismology (Phivolcs) ang alert level status ng Bulkang Bulusan sa Sorsogon sa “Level Zero” o normal status mula sa dating Alert Level 1 status o Low-Level of Unrest.
Ito ayon sa Phivolcs ay dahil naging normal na ang kundisyon ng bulkan makaraan ang pagbaba ng monitoring parameters nito.
Ayon sa monitoring ng Phivolcs, ang bilang ng volcanic earthquakes ng Bulkang Bulusan ay bumaba sa baseline level zero nang may limang araw mula sa unang linggo ng December 2025 batay sa tala mula sa Bulusan Volcano Network.
“This decline indicates that rock-fracturing processes within the volcano associated with shallow hydrothermal activity has diminished,”ayon sa Phivolcs.
Bukod dito, humina rin umano ang general southern at eastern sectors ng bulkan simula ng ikatlong linggo ng November 2025 at October 2025 batay sa nakuhang impormasyon sa GPS at electronic tilt measurements.
- Latest
