Taas-sahod ‘top concern’ ng mga Pinoy – survey
Sa nakalipas na 3-buwan
MANILA, Philippines — Nangunguna ang taas-sahod sa mga manggagawa ang prayoridad ng mga Pinoy sa nakalipas na huling tatlong buwan o last quarter ng 2025, batay sa latest Tugon ng Masa survey na ginawa ng OCTA Research ng nakalipas na Disyembre 3-11.
Sa face-to-face interviews ng 1,200 adult Pinoy, top concern ng 45% dito ay sahod na nais nilang maaksyonang urgent ng Pangulong Ferdinand Marcos Jr.
Sa rehiyon, ang Balance Luzon at Visayas na may 47% ng respondents ang nangunguna na nagsabing top concern ang usapin sa sahod, sumunod sa Mindanao na 42% at National Capital Region na 41%.
Ang iba pang isyu na nais ng mga respondents na maaksyon agad ng pamahalaan ay ang pagtaas ng halaga ng bilihin at serbisyo na nasa 41%, access sa abot kayang pagkain tulad ng bigas gulay at karne na 30%, pagpigil sa graft and corruption sa gobyerno - 29% at paglalaan ng free quality education- 28%.
Sa socioeconomic class, sa Class ABC respondents, ang pagkontrol sa pagtaas ng halaga ng bilihin at serbisyo ang top concern na nasa 45% habang 43% sa pagtataas sa sahod.
Sa Class D, ang pagtataas sa sahod ang top concern na nasa 46%, sumunod ang price control sa 40% habang sa Class E, ang pagkontrol sa presyo ng bilihin ang top concern ng 48%, 42% naman sa pagtataas ng sahod.
Sa Class E respondents na 37%, ang kanilang top concern ay ang abot kayang pagkain. -
- Latest
