Sibakan sa BOC, nagpapatuloy

MANILA, Philippines — Nagpapatuloy ang balasahan sa Bureu of Customs (BOC) matapos na magbitiw sa  pwesto si BOC Deputy Commissioner for Internal Administration Michael Cristobal Fermin.

Nabatid na tinanggap na ni Commissioner Ariel Nepomuceno at ng Malakanyang ang pagbibitiw ni Fermin na mula sa pagiging BOC director, ay na-promote ito bilang Deputy Commissioner noong April 2025.

Si Fermin ang naging ikalawang Palace appointee na nagbitiw sa pwesto na ang una ay si Atty. Marlon Fritz Broto na nagsilbi bilang district collector sa Port of Subic at director ng Port Operations Service at ng Collection Service.

Habang napipinto na rin ang pag-alis sa BOC ni Customs Intelligence Service Director Thomas Narcise na naitalaga sa pwesto noong July 2025 at ipinauubaya na lang ni Nepomuceno sa Malakanyang ang kapalaran nito.

Kamakailan ay sinibak din ng Customs chief sa pwesto si Paul Pacunayen na head of intelligence sa Port of Manila dahil sa alegasyon ng pagkakasangkot sa smuggling activities habang isinailalim naman sa floating status ng Office of the Commissioner si Director Ronnie Principe na pinuno X-Ray Inspection Project na pinalitan naman ni Atty. Rey Roland Bergado na dating hepe ng Informal Entry Division sa Manila International Container Port.