Bulkang Mayon itinaas sa Alert Level 2
MANILA, Philippines — Itinaas na ng Philippine Volcanology and Seismology sa Alert Level 2 o moderate level of unrest ang estado ng Mt. Mayon sa Albay, alas-6:00 ng umaga kahapon.
Bunsod ito nang tumitinding aktibidad ng bulkan, partikular ang pagdami ng bilang ng rockfall na indikasyon ng paggalaw ng magma.
Nakapagtala umano ng kabuuang 599 rockfall event sa bulkan sa huling dalawang buwan ng 2025 o 10 kada araw, ngunit tumaas ito ng average na 21 rockfall kada araw sa huling linggo.
Natukoy rin ang pamamaga ng katawan ng bulkan mula pa noong 2024, na nagpapahiwatig ng posibleng pagsabog.
Sa Alert Level 2, pinapayuhan ang publiko na iwasan ang anim na kilometrong permanent danger zone at inatasan ang mga lokal na pamahalaan at awtoridad sa aviation na maghanda laban sa posibleng panganib.
- Latest
