Mag-asawa, anak arestado sa shabu

MANILA, Philippines — Kapwa magkakasama ngayon sa isang selda ang isang mag-asawa at kanilang anak nang maaresto sa isang drug buy-bust operation nitong Huwebes ng umaga sa Barangay Rosary Heights 11, Cotabato City.

Kinilala ang mga suspek na sina Abdullah Sinuputan Samadalan, 56; misis na si Lailah Trecero Samadalan, 58; kanilang anak na ­lalaking si Yasser, 32, kapwa residente ng nasabing lugar.

Batay sa ulat, nagsagawa ng buy-bust operation ang mga otoridad sa bahay ng pamilya na kung saan ay nagpanggap na bibili ng droga ang isang pulis.

Nang magkaabutan ng ng bayad na P5,000 sa halaga ng shabu ay dito na sumulpot ang ibang mga otoridad at inaresto ang mag-anak.

Nabatid na ang pamilya ay kilala ­umano sa kanilang ­barangay na nagbebenta ng droga kaya’t isinagawa ang buy-bust operation.