Netizens binalaan sa posibleng cyberattack sa Nobyembre 5

MANILA, Philippines — Nagbabala ang Department of Information and Communications Technology (DICT) tungkol sa posibleng Distributed Denial of Service (DDoS), isang uri ng cyberattack sa Miyerkules, Nobyembre 5.

Sa Facebook post nitong Linggo, Nobyembre 2, sinabi ng DICT na naka-monitor ito sa posibleng DDoS o “traffic flood”, isang uri ng DoS attack na tinatarget ang mga websites at online services sa mga users.

Paliwanag nito, ang DDoS ay parang traffic jam sa internet kung saan sabay-sabay ang mga hacker na kumakatok sa isang website o app.

“Dahil dito, pwedeng bumagal o hindi agad mag-load ang ilang websites o apps. Pero kalma lang dahil hindi ito data breach at walang mananakaw na personal accounts, data or pera,” pahayag ng DICT.

“Sa ilalim ng Oplan Cyberdome, nagtutulungan ang DICT, CICC, NTC, law enforcement agencies at iba pang partners para sa agarang pagtugon at proteksyon ng online platforms.