Mga sundalo nanumpa muli ng Code of Conduct
MANILA, Philippines — Sa gitna ng mainit na isyu nang panghihikayat sa Armed Forces of the Philippines (AFP) ng mga retiradong heneral at senior officers, religious groups gayundin ng mga sibilyang grupo na pangunahan ang pagbaliktad ng suporta sa administrasyon ni Pangulong Ferdinand Marcos Jr. na ang opsiyon ay maglunsad ng coup de etat at military junta ay muling nanumpa ang mga sundalo sa Code of Conduct na ipagtatanggol ang Saligang Batas ng bansa at ang mamamayan nito.
Inamin naman ni AFP Chief of Staff Gen. Romeo Brawner Jr. na nagngingitngit ang mga sundalo sa nabulgar na matinding korapsyon sa flood control projects ay hindi naman aniya ito magbubunsod sa panibagong military adventurism o kudeta.
Sa Camp Aguinaldo, pinangunahan ni Brawner ang selebrasyon sa ika 35 taong anibersaryo ng AFP Code of Conduct at naglunsad na rin ng 90th anniversary logo ng AFP. Dito’y muling isinagawa ang ‘oath of allegiance’ ng mga sundalo sa Konstitusyon at mamamayan ng bansa.
Habang sa Fort Bonifacio ay pinangunahan naman ni Philippine Army Chief Lt. Gen. Antonio Nafarette ang tropa ng hukbong katihan sa ‘renewal of the pledge of allegiance’ sa AFP Code of Conduct kaugnay ng isinagawang simultaneous flag raising ceremony nitong Lunes sa kanilang mga himpilan.
- Latest
