Rocket debris na hinihinalang mula sa China natagpuan sa Palawan

MANILA, Philippines — Natagpuan ng isang mangingisda sa Palawan ang mga piraso ng rocket na pinaghihinalaang mula sa China.

Sinabi ng Philippine Coast Guard (PCG) na ang debris ay natagpuan sa katubigang malapit sa Barangay Funda sa Bisucay Island.

Anila, Setyembre 16, 2025 nang magsagawa ng rocket launch ang China, na kinasasangkutan ng isang Long March 2C rocket, na may Yuanzheng-1S upper stage, bilang bahagi ng patuloy na pagsusumikap ng ­China sa space exploration, kabilang na ang satellite dep­loyment at technological advancements.

Kaagad namang ipi­nagbigay-alam ng punong barangay sa coast guard sa Eastern Palawan ang pagkakadiskubre sa hinihinalang rocket debris.

Nakatakda na ring ipadala ng PCG ang naturang debris sa Phi­lippine Space Agency (PSA) para sa pagsasagawa ng detalyadong pag-analisa, beripikasyon at assessment sa pinagmulan at komposisyon nito.