Lady contractor sa Ilocos Norte, itinumba!
MANILA, Philippines — Kasabay ng matinding kontrobersya na kinasasangkutan ng mga kontratista sa mga maanomalyang flood control projects, isang lady contractor ang binaril at napatay sa ambush na naganap kamakalawa ng gabi sa Brgy. San Marcelino, Dingras, Ilocos Norte.
Hindi pa tinukoy ng pulisya ang pangalan ng biktimang babae na isang civil engineer na nagtamo ng maraming tama ng bala ng baril sa katawan.
Nangyari ang insidente bandang alas-8:30 ng gabi nitong Biyernes malapit sa kanyang bahay sa Sitio Nagmarcaan, Brgy. San Marcelino, Dingras, Ilocos Norte.
Nadatnan ang wala nang buhay na biktima sa loob ng kanyang puting Mitsubishi L300 na nahulog sa isang kanal kasunod ng pananambang sa kahabaan ng barangay road.
Agad na dinala ang babaeng kontratista sa isang district hospital at kalaunan ay inilipat sa ibang pasilidad medikal at doon na binawian ng buhay.
Nakarekober ang pulisya ng limang walang lamang .45 caliber cartridges sa pinangyarihan ng krimen.
Una rito, inihayag ni dating Ilocos Sur Governor na dapat silipin ng Kongreso ang mga maanomalyang flood control projects sa Ilocos Norte.
- Latest
