Kelot pinatay, itinapon sa damuhan

MANILA, Philippines — Isang lalaki na pinaniniwalaang biktima ng salvage ang natag­puan sa madilim at madamong bahagi ng Brgy, Tanauan, Tanza, Cavite, ­kamakalawa ng gabi.

Inaalam pa ng pulisya ang pagkakakilanlan ng biktima na nasa edad 40-anyos pataas, naka­suot ng printed na itim na t-shirt na may tatak na “Special Forces”, itim na pantalon at puting medyas.

Sa imbestigasyon ng pulisya, alas-10:30 ng gabi nang matagpuan ng mga residente ang biktima na nakagapos ang mga kamay ng puti at itim na tela na nakabusal ng puting tela ang bibig.

Naniniwala ang pulisya na pinahirapan muna ang biktima bago ito pinatay at itinapon sa nasabing lugar upang iligaw ang pulisya sa pag-iimbestiga.