Pulis-Maynila itinumba ng tandem
MANILA, Philippines — Isang 39-anyos na pulis ang nasawi nang pagbabarilin ng isa sa riding-in-tandem, sa Pasay City, Sabado ng gabi.
Kinilala ang nasawing biktima na si P/Staff Sgt. Jomar M. Caliguiran, nakatalaga sa District Tactical Operations Center (DTOC) ng Manila Police District dahil sa tinamong tama sa kaliwang braso, 2 ang sa kili-kili at isa sa dibdib.
Nasugatan sa tama ng liga na bala sina Aljon Valdenibro, 31, at Melchor Bermundo, 64, kapwa residente ng Pasay City na ginagamot sa Manila Adventist Medical Center.
Tinutugis naman ang dalawang hindi pa kilalang mga suspek na nakita sa CCTV footage na tumatakas sakay ng motorsiklo. Sa ulat, bago naganap ang krimen, alas-8:00 ng gabi sa panulukan ng Taft Avenue at Primero De Mayo St., Barangay 90, Pasay City ay nakaupo sa kanyang motorsiklo ang biktima sa harapan ng isang establisyimento, Dumaan ang isa sa suspek na nakasuot ng itim na helmet at itim na jacket na malapitang pinagbabaril ang biktima ng ilang ulit ang pulis.
Kahit may tama na ay nagawa pang makatakbo ng bahagya at gumanti ng putok, bago tuluyang bumagsak sa gilid ng bangketa. Patuloy ang imbestigasyon ng pulisya sa kaso.
- Latest
