Magkapatid nasabugan ng LPG sa Cavite
MANILA, Philippines — Isang magkapatid na babae ang malubhang nasugatan makaraang masabugan sila ng Liquified Petrolium Gas (LPG) sa loob ng kanilang bahay sa Brgy. Bagtas, Tanza, Cavite, kahapon ng umaga.
Kapwa nagtamo ng mga paso sa iba’t ibang bahgi ng katawan ang magkapatid na kinilalang sina alyas “Ana”, 20 at alyas “Carie”, 18, kapwa estudyante at residente ng Lessandra Subdivision ng nasabing barangay.
Sa ulat, alas-5:30 ng madaling araw ng maganap ang pagsabog kung saan magluluto na sana ng almusal ang magkapatid nang pagbukas ng gas stove ay bigla itong sumabog.
Lingid sa kaalaman ng magkapatid na may leak na pala ang regulator ng LPG tank ng mga ito at kumalat na ang amoy sa kabahayan kung kaya pagbukas ng kalan ay biglang sumambulat.
Sa lakas ng pagsabog ay nasapul ang magkapatid na agad dinala sa ospital.
- Latest
