Bebot na wanted sa 159 counts pagnanakaw, tiklo

MANILA, Philippines — Naaresto ng mga otoridad ang isang 39-anyos na misis na no.10 most wanted dahil sa mahigit isandaang bilang ng kasong pagnanakaw sa isinagawang operasyon ng Warrant and Subpoena Unit ng Makati City Police Station, sa nasabing lungsod, nitong Sabado.
Kinilala ni Makati CPS chief, P/Colonel Jean Dela Torre ang akusadong si alyas “Daisy Grande,” na pinaghahanap dahil sa 159 counts ng Qualified Theft through Falsification of Commercial Documents ay nadakip alas-10:30 ng umaga ng Marso 1, 2025, sa Barangay Sta. Cruz, Makati City.
Nabatid sa warrants of arrest na inisyu ni Hon. Jonathan Honorato D. Lock, Pairing Judge ng Regional Trial Court, Branch 60, Makati City, na maaring palayain pansamantala si Daisy Grande kung maglalagak ng inirekomendang piyansa na P5,174,000.00.
Ang operasyong ito ay bahagi ng pagsisikap ng pulisya na palakasin ang pagpapatupad ng batas laban sa financial crimes.
- Latest















