Pasaway na driver ng DAR, sinibak
MANILA, Philippines — Sinibak ni Agrarian Reform Secretary Conrado Estrella III ang mismong driver ng Department of Agrarian Reform (DAR) nang tumakas mula sa mga traffic enforcers matapos siyang ma-flag down dahil sa paglabag sa batas-trapiko.
Ang hakbang ay agad na iniutos ni Secretary Estrella kay Assistant Secretary Ubaldo Sadiarin Jr., ang supervisor ng driver na si Russel Smith, na tiyaking ang huli ay sumuko sa mga awtoridad at ganap na tanggapin ang pananagutan sa kanyang paglabag.
Lumalabas na nang huhulihin ng mga traffic enforcers si Smith ay ginamit pa nito ang pangalan ni Sec. Estrella.
Si Smith ay na-flag down ng mga enforcers ng Quezon City noong Huwebes dahil sa iligal na pagparada o illegal parking ng gamit na sasakyan sa kahabaan ng Timog Avenue. Makikita sa nakuhang video ng pangyayari ang pagtanggi ni Smith na magpakita ng kanyang lisensya bago kumaripas paalis.
- Latest
