Metro Manila tricycle group umalma na sa pagdami pa ng motorcycle taxi
MANILA, Philippines — Inalmahan na ng tricycle group na National Confederation of Tricycle Operators and Drivers Association of the Philippines (NACTODAP) ang patuloy na pagdami ng motorcycle taxi sa bansa lalo na sa Metro Manila.
Sinabi ni Ariel Lim, national President ng NACTODAP, dahil sa patuloy na pagdami ng MC taxi ay nasa P300 na lamang kada araw ang naiiuwing kita ng bawat tricycle driver na sobrang baba sa dating kita na P700 kada araw.
Anya madami nang galit sa kanilang hanay sa nangyayaring pagdami ng MC taxi lalo na ang pagdagdag pa ng LTFRB sa mga MC taxi company sa Region 3 at Region 4A.
Anya dapat munang ihinto ng LTFRB ang pagdaragdag ng MC taxi sa bansa at konsultahin muna ang iba’t ibang stakeholders tulad ng NACTODAP bago magdesisyon na magdagdag pa ng MC taxi sa iba’t ibang bahagi ng bansa.
Hinikayat naman ni Atty. Jopet Sison, founding Chairman ng QC Tricycle Franchising Board ang pamahalaan na magkaroon ng National Transport Plan upang maging maayos ang sistema sa usapin ng mga MC taxis sa bansa.
- Latest
