Duterte ‘di na ipatatawag ng Quad Comm

MANILA, Philippines — Inihayag ni Quad Comm Chairman Rep. Robert Ace Barbers (2nd District Surigao del Norte) na hindi na ipatatawag ng Quad Committee ng Kamara de Represen­tantes si dating Pangulong Rodrigo “Digong” Duterte kaugnay ng pagdinig sa extra judicial killing sa madugong drug war ng nakalipas nitong administrasyon.

“No need na siguro, because yong 12-13 hours na meeting natin sa kanya basically ‘yun na yong gusto nating marinig,” ayon kay Barbers.

Magugunita na si Duterte, 79-anyos ay dumalo sa pagdinig ng Quad Comm noong Nobyembre 13 kung saan nagbigay na ito ng mahabang testimonya sa polisiya ng kaniyang administrasyon sa madugong giyera kontra droga.